У Японіі пасажыр цягніка падпаліў сябе, загінулі 2 чалавекі, 20 пацярпелі
Здарэнне адбылося раніцай 30 чэрвеня ў хуткасным цягніку, які накіроўваўся з Токіё ў Осаку.
Раніцай 30 чэрвеня адбылося здарэнне ў хуткасным цягніку, які накіроўваўся з Токіё ў Осаку. Калі ён знаходзіўся паміж станцыямі Сін-Ёкагама і Одавара, адзін з пасажыраў у тамбуры першага вагона абліў сябе з каністры гаручай вадкасцю і падпаліў. Мяркуецца, што гэта быў самападпал з мэтай самагубства, а не тэракт.
Як інфармуе РІА "Новости", першы вагон хутка запоўніўся белым дымам. У выніку здарэння загінулі 2 чалавекі (у тым ліку і самагубца), пацярпелі каля 20, двое з іх знаходзяцца ў цяжкім стане.
Рух на чыгунцы быў спынены ў абодвух накірунках.
Фота: Reuters
