У Верхнядзвінску мужчыну аштрафавалі за фота ў Tinder
"Несанкцыянаваны пікет" сілавікі ўбачылі ў мабільным дадатку для знаёмстваў, ілюстрацыйнае фота / pixabay.com
У Верхнядзвінску мясцовага жыхара аштрафавалі за "пікет", які, паводле версіі сілавікоў і райсуду, ён правёў у Tinder. Падрабязнасці гэтай справы распавядае віцебскі рэсурс @vitebsk_info.
На фота, якое мужчына апублікаваў у дадатку, прызначаным для рамантычных знаёмстваў, ён быў апрануты ў майку з "Пагоняй". У выніку на яго склалі пратакол арт. 24.23 КаАП (Парушэнне парадку арганізацыі і правядзення масавых мерапрыемстваў). А суддзя мясцовага суда Таццяна Кукліна аштрафавала мужчыну на 3330 рублёў. Майку па рашэнні суда павінны знішчыць.
