У сераду ў Беларусі чакаецца невялікі снег, месцамі захаваецца галалёдзіца

У сераду, 29 снежня, у Беларусі ў асобных раёнах чакаецца невялікі снег, месцамі на дарогах захаваецца галалёдзіца. Сіноптыкі папярэджваюць пра слабы туман у начныя гадзіны і раніцай.

Уначы тэмпература паветра складзе ад -8 да -14 градусаў (месцамі — да -17, у Мінску — 12-14 марозу), у дзённыя гадзіны — ад -4 да -10 (у сталіцы — ад -7 да -9 градусаў).