У Салігорску на будаўніцтве лядовага палаца зваліўся вежавы кран

Увечары 24 траўня ў Салігорску на будаўніцтве лядовага палаца адбылося надзвычайнае здарэнне — зваліўся вежавы кран. У выніку здарэння ніхто не пацярпеў. Стралой крана нязначна пашкоджаны дах змешчанага побач з будоўляй касцёла.

Кран упраўляўся дыстанцыйна. Машыніст знаходзіўся на зямлі. Пры руху кран сыйшоў з рэек. Мяркуецца, што не спрацавалі тормазы, паведамляе БелаПАН.