У нядзелю ў Беларусі будзе надвор’е з моцным ветрам

У бліжэйшыя суткі, 30 кастрычніка, у Беларусі будзе хмарнае з праясненнямі надвор’е. На большай частцы тэрыторыі прагназуюцца кароткачасовыя дажджы, у некаторых раёнах магчымы мокры снег.

Вецер будзе паўночна-заходні, парывісты, у некаторых раёнах да моцнага, чакаецца ўзмацненне ветру да 15-18 метраў за секунду.

Тэмпература паветра ўначы складзе ад 0 да плюс 5 градусаў, удзень будзе 2-8 градусаў за знакам плюс, перадае БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджання і маніторынгу навакольнага асяроддзя Мінпрыроды.