У Мінску падаражэе праезд у гарадскім і прыгарадным транспарце

14/04/2022 - 06:23

У Мінску падаражэе праезд у гарадскім і прыгарадным грамадскім транспарце. Адпаведнае рашэнне прыняў Мінгарвыканкам. Моц яно набудзе праз пяць дзён.

Адна паездка падаражэе на 10 капеек. Квіток на праезд у наземным транспарце будзе каштаваць 85 капеек, жэтон на метро — 90 капеек. За квіток на паездку ў экспрэс-аўтобусе давядзецца аддаць 1 рубель.

Як паведамлялася раней, на мінулым тыдні паднялі цэны на праезд у рэгіёнах. Там талончыкі таксама падаражэлі на 10 капеек.

Таксама ў Мінску вырастуць гранічныя максімальныя тарыфы на прыгарадныя паездкі. На звычайных маршрутах тарыф за 1 км будзе роўны 10 капейкам (цяпер 9 капеек).

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.