У Латвіі заявілі, што самалёт не парушаў паветраную прастору Беларусі

У Латвіі заявілі, што самалёт Ан-2 не парушаў паветраную прастору Беларусі. Латвійскі бок спасылаецца на даныя яго GPS-сігнала. Сцвярджаецца, што самалёт здзяйсняў запланаваны палёт уздоўж мяжы — адсочваў парушальнікаў мяжы. Апублікаваны яго маршрут (на фота) Прэс-служба Нацыянальных узброеных сіл Латвіі заклікае крытычна ставіцца да інфармацыі ўладаў Беларусі.

У аўторак Дзяржаўны памежны камітэт Беларусі паведаміў, што паветраную прастору нашай краіны парушыў самалёт Ан-2, які заляцеў з Латвіі "на глыбіню 300 метраў" і вярнуўся назад.