У Гомелі затрымалі ўладальніка гандлёвай сеткі "Красотка"
У Гомелі супрацоўнікі ГУБАЗіКа затрымалі 47-гадовага прадпрымальніка Паўла Бабчанка — уладальніка гандлёвай сеткі "Красотка".
Як паведамляюць праваабаронцы, Бабчанок адкрыта крытыкаваў уладу ў сацсетках і публікаваў свае відэа з пратэстаў.
Прадпрымальніка затрымлівалі амапаўцы ў поўнай экіпіроўцы, якія прыбылі ў ягоную краму. На Бабчанка начапілі кайданкі.
Ёсць звесткі, што на яго пачалі крымінальную справу — верагодна, па абвінавачанні ў распальванні варожасці. Прадпрымальніка змясцілі ў ІЧУ.
