У Гомелі прайшоў парад Дзядоў Марозаў і Снягурак

У Навабеліцкім раёне Гомеля прайшоў парад Дзядоў Марозаў, Снягурак і казачных персанажаў. У касцюмы апрануліся супрацоўнікі ўстаноў адукацыі і прадпрыемстваў раёна.

Усяго на парадзе было каля сотні ўдзельнікаў. Сярод іх сімвал 2022 года — тыгр.

Шэсце пачыналася, калі ў Гомелі ўвогуле не было снегу. Але падчас параду пачаўся снегапад. Няйначай, як Дзяды Марозы са Снягуркамі снег выклікалі!