У Бярозе знішчылі вялікую мазаіку з "Пагоняй" і элементамі БЧБ
Цяпер у Бярозе
У Бярозе знішчылі вялікую мазаіку часоў нацыянальнага адраджэння — з гербам "Пагоня" і элементамі БЧБ. Яна мясцілася на будынку побач з мясцовым стадыёнам.
Мазаіка створаная ў 1989-1990 гадах (то бок у апошнія гады савецкай улады) па дзяржаўным заказе мастаком Рыгорам Кірдзеем. Твор мае назву "Прыгажосць выратуе свет" — такі надпіс можна знайсці ў цэнтры аднаго з пано. Таксама праца фігурыруе ў зборніку Беларускага саюза мастакоў як "Гісторыя і сучаснасць", піша тг-канал "Спадчына".
Так супала, што незадоўга да знішчэння пост пра мазаіку напісалі ў беларускім сегменце твітара. Яго карыстальнікі тады яшчэ паспрачаліся, будзе мазаіка знішчаная ці не.
Згодна з Пастановай Савета міністраў Беларусі №1374 ад 19.09.2008 "Аб некаторых пытаннях стварэння (рэканструкцыі) і прыёмкі твораў манументальнага і манументальна-дэкаратыўнага мастацтва", рэканструкцыя твораў дэкаратыўна-манументальнага мастацтва (да якіх адносяцца і ўсе творы ў тэхніцы мазаікі) можа праводзіцца толькі на падставе экспертнага заключэння абласнога мастацка-экспертнага савета. Здаецца, час нагадаць пра гэта Брэсцкаму аблвыканкаму ці пракуратуры.
Вось як мазаіка выглядала да знішчэння:
