У Беларусь прыехалі на вучэнні расійскія дэсантнікі
Сумесныя вучэнні пройдуць з 14 па 16 красавіка.
8 красавіка ў Беларусь прыбыло падраздзяленне Пскоўскага гвардзейскага злучэння ПДВ. Расійскія дэсантнікі будуць удзельнічаць у сумесным батальённым тактычным вучэнні, паведамляе interfax.by. Вучэнне разам з 38-й асобнай гвардзейскай мабільнай брыгадай Узброеных сіл Беларусі пройдзе з 14 па 16 красавіка.
Падчас вучэнняў пскоўскія дэсантнікі плануюць дэсантавацца на дэсантных парашутах Д-6 і са зброяй. І парашуты, і зброю пскоўскім дэсантнікам прадаставіць беларускі бок.
Фота — nnm.me
