У Баранавічах на пажары загінулі чатыры чалавекі
Агонь, ілюстрацыйнае фота / pixabay.com
У Баранавічах мінулай ноччу на пажары загінулі чатыры чалавекі — гаспадар дома і трое яго гасцей. Пра пажар у мясцовым падраздзяленні МНС даведаліся апоўначы, выехалі на месца. Дом да таго часу ўжо гарэў адкрытым полымем.
Унутры ратавальнікі знайшлі чатыры целы. Агонь часткова знішчыў дах і маёмасць у адным з пакояў, пашкодзіў перакрыцце, унутранае аздабленне і маёмасць у доме.
Прычынай пажару магло быць неасцярожнае абыходжанне з агнём пры курэнні, піша СК.
