У Баранавічах з-за моцных маразоў завадскіх рабочых вызваляюць ад працы
Рабочых двух цэхаў Баранавіцкага завода аўтаматычных ліній адправілі 30 і 31 студзеня на вымушаныя выхадныя.
Пра гэта Intex-press распавёў намеснік дырэктара па ідэалагічнай працы гэтага прадпрыемства Аляксандр Дземідзенка. Паводле яго слоў, у вымушаны адпачынак на два дні адправілі рабочых двух нарыхтоўчых цэхаў — каля паўтара дзесятка чалавек.
Астатнім работнікам, якія вымушаныя працаваць у анамальна халодных умовах, на заводзе выдаюць валёнкі і ўцепленыя курткі, а таксама налічваюць даплаты. На заводзе таксама арганізавана пакой абагравання для працоўных, куды тыя могуць прыйсці сагрэцца або папіць гарбаты.
Па словах рабочых прадпрыемства, некаторым з іх прыходзіцца працаваць пры мінусовай тэмпературы.
Фота — bymedia.net
