Славакія замест перададзенага Украіне С-300 атрымае ад ЗША ракеты Patriot
Славакія замест перададзенага Украіне зенітна-ракетнага комплексу С-300 атрымае ад ЗША амерыканскі ракетны комплекс Patriot. Ён будзе перадыслакаваны ў бліжэйшыя дні разам з вайскоўцамі, якія ім кіруюць. На які час — пакуль невядома, паведамляе "Бі-Бі-Сі".
Прэзідэнт Злучаных Штатаў Джо Байдэн падзякаваў ўраду Славакіі за вайсковую падтрымку ўкраінскай арміі.
Пра тое, што Славакія перадала Украіне С-300, у пятніцу паведаміў славацкі прэм'ер Эдуард Хегер. Паводле яго слоў, гэта славацкая дапамога ў барацьбе Украіны супраць расійскай агрэсіі. Браціслава гатовая была перадаць зенітна-ракетны комплекс яшчэ ў сярэдзіне сакавіка, але чакала "адэкватную замену заходняй вытворчасці".
I would like to confirm that #Slovakia has provided #Ukraine with an air-defence system S-300. #Ukrainian nation is #bravely defending its sovereign country and us too. It is our duty to help, not to stay put and be ignorant to the loss of human lives under #Russia’s agression.
— Eduard Heger (@eduardheger) April 8, 2022
