Салігорскі "Шахцёр" — у чвэрцьфінале Кубка Беларусі па футболе
У 1/8 фіналу падапечныя Сяргея Бароўскага абыгралі дома прадстаўніка першай лігі нацыянальнага першынства "Гарадзею" — 1:0.
Пераможны гол забіў літоўскі легіянер гарнякоў Саўлюс Мікалюнас, які вызначыўся на 8-й хвіліне гульні, адзначае БЕЛТА.
Раней у чвэрцьфінал прабіліся бабруйская "Белшына", гродзенскі "Нёман", брэсцкае "Дынама", а таксама дзве каманды з другога дывізіёна беларускага чэмпіянату — "Віцебск" і мікашэвіцкі "Граніт".
Яшчэ два ўдзельнікі чвэрцьфінальнай стадыі стануць вядомыя пасля матчаў паміж магілёўскім "Дняпром" і мінскім "Дынама" (14 кастрычніка) і барысаўскім БАТЭ і "Слуцкам" (4 снежня).
Фота з сацыяльных сетак
