Захады "валютнага рэгулявання" ў Беларусі могуць набыць экзатычныя формы
Кіраўнік Нацбанка Пётр Пракаповіч паабяцаў адмяніць "ў перспектыве" абмежаванні на куплю валюты для імпарцёраў. Але за гэта яны павінны стаць экспарцёрамі.
"Прадпрымальнікі, перш чым ехаць па імпарт прадукцыі, павінны частку прадукцыі прадаць на экспарт. Сёння на прадпрымальніках вялікая адказнасць. Дзяржава стварыла для іх дзейнасці ўсе неабходныя ўмовы, і зараз павінна быць аддача ад тых некалькіх соцень тысяч прадпрымальнікаў і малых і сярэдніх прадпрыемстваў, якія сёння зарэгістраваны ў Беларусі. Прадпрымальнікі павінны перабудаваць сваю працу ў бок арганізацыі эфектыўнай вытворчасці, але проста купляць і прадаваць — гэта шлях у нікуды", — заявіў сёння кіраўнік Нацбанка журналістам.
