З Мінску ў бок Крыма ідуць паўпустыя цягнікі
Беларусы праз крызіс адмаўляюцца ад адпачынку за мяжой, нават ва Ўкраіне, дзе адпачыць на моры можна за параўнальна невялікія грошы.
Сёлета квіток на цягнік да Сімферопаля можна набыць у дзень адпраўлення, хоць у папярэднія гады квіткі раскуплялі за два тыдні ці нават за месяц, піша kp.by. Паводле афіцыйных звестак, цягнікі ў паўднёвым кірунку запоўненыя толькі на 60%. Ахвотней набываюць месцы ў плацкартных вагонах, на купэ попыт значна меншы, чым раней.
