Юлія Цімашэнка аб'явіла галадоўку супраць фальсіфікацыі выбараў
Так экс-прэм'ер Украіны, якая цяпер знаходзіцца ў лякарні, адрэагавала на вынікі выбараў у Вярхоўную Раду.
Як паведамляе УНІАН, у панядзелак у Харкаве быў агучаны ліст Юліі Цімашэнкі. У ім яна падкрэслівае, што парламенцкія выбары былі цалкам сфальсіфікаваныя, чаго не было за ўсю гісторыю незалежнай Украіны.
Цімашэнка лічыць, што ў зняволенні яна мае толькі адну магчымасць публічна заявіць пра свае адносіны да фальсіфікацый — гэта аб'явіць галадоўку.
Нагадаем, паводле ЦВК Украіны, пасля апрацоўкі 70% пратаколаў участковых выбарчых камісій "Партыя Рэгіёнаў" мае 33,41%, "Бацькаўшчына" — 23,04%, Кампартыя — 14,48%, "УДАР" — 13,16%, "Свабода" — 8,97%.
