Вікторыя Азаранка працягвае пераможную серыю
У стартавым паядынку тэніснага турніра ў Аўстрыі першая ракетка свету разграміла Аранчу Рус з Галандыі — 6:0, 6:2.
Галандская тэнісістка займае ў рэйтынгу 69-е месца, з Азаранкай раней ёй сустракацца не даводзілася.
У 1/8 фінала беларуска згуляе з румынкай Сімонай Халеп.
Адзначым, што турнір у Лінцы мае невялікі прызавы фонд — 220 тысяч долараў. Вікторыя Азаранка разглядае ўдзел у ім як падрыхтоўку да выніковага турніра WTA ў Стамбуле.
