Урад Беларусі не выключае павелічэння кошту паслуг ЖКГ

Урад Беларусі не выключае магчымасці яшчэ аднаго павелічэння кошту паслуг ЖКГ сёлета на $5-7. Пра гэта паведаміў сёння журналістам намеснік прэм'ер-міністра Беларусі Анатоль Калінін, перадае карэспандэнт БЕЛТА.

"Думаю, што сёлета яны павялічацца на $5-7", - сказаў Анатоль Калінін.

Ён нагадаў, што ў лютым бягучага года ўжо адбылося павелічэнне тарыфаў на паслугі ЖКГ у памеры $5, у тым ліку $4 забяспечыў прырост кошту паслуг па лініі Мінэнерга, $1 - па ўсіх астатніх паслугах ЖКГ.

"У любым выпадку тарыфы будуць павялічаны, але яны будуць кантралявацца, абмяркоўвацца з усіх бакоў. Разам з гэтым будуць павялічвацца і пенсіі. Пры гэтым пенсіі будуць павялічвацца загадзя, а затым ужо будуць павялічвацца тарыфы на паслугі ЖКГ. Гэтыя пытанні цяпер абмяркоўваюцца ва ўрадзе, у Міністэрстве эканомікі", - падкрэсліў намеснік прэм'ер-міністра.