У ВНУ пачалі залічваць на завочнае бюджэтнае навучанне
Згодна з правіламі прыёму, у ВНУ другога патоку на гэтую форму навучання дакументы прымаюць да 3 жніўня.
Спісы залічаных на завочны бюджэт вывесілі, у прыватнасці, на сайце БДПУ імя Максіма Танка. БДУ яшчэ не апублікаваў вынікі залічэння, але там сёння таксама быў апошні дзень падачы дакументаў на бясплатнае завочнае.
Тыя, хто не прайшоў на дзённы ці завочны бюджэт, яшчэ маюць шанец падаць дакументы на платнае. Апошні дзень прыёму — 4 жніўня. Залічваць платнікаў будуць 5-6 жніўня.
