У Расіі прайшлі дэманстрацыі ў падтрымку Лукашэнкі
Іх удзельнікі ганьбілі кіраўніцтва Расійскай Федэрацыі, якое, на іх думку, вядзез драдніцкую палітыку ў адносінах да Муамара Кадафі і Аляксандра Лукашэнкі.
У Маскве такі мітынг-пікет адбыўся пад вокнамі Міністэрства замежных спраў РФ. Самым высокапастаўленым мітынгуючым там быў намеснік старшыні ЦК КПРФ Уладзімір Кашын. Чырвоныя сцягі з сімволікай Кампартыі і ЛКСМ суседнічалі з лозунгамі "Так трымаць, бацька Лукашэнка!», «Брацкая Беларусь, камуністы з табой!», «Ганьба чыноўнікам МЗС РФ – здраднікам славянскага братэрства!», «Бацька! Не здавайся!», «Лукашэнку – у прэзідэнты Расіі!». Прыкладна такога ж зместу была і рэзалюцыя, прынятая ўдзельнікамі акцыі і перададзеная ў МЗС, паведамляе партал naviny.by.
