У Беларусі вельмі шчодрая пенсійная сістэма
Так лічыць намеснік міністра працы і сацыяльнай абароны Беларусі Валянціна Каралёва.
Гэта меркаванне Каралёва выказала сёння на пасяджэнні круглага стала "У жанчыне прырода ўсе таямніцы захоўвае", перадае БЕЛТА.
"У параўнанні са шматлікімі іншымі краінамі мы рана даем пенсійныя выплаты", — абгрунтавала сцвярджэнне аб "шчодрасці" намеснік міністра. Яна не назвала краіны, якія так прайграюць у параўнанні з Беларуссю, нічога не сказала і пра "шчодрасць" грашовага выражэння беларускіх пенсій.
