У Беларусі неўзабаве адкрыецца новая мячэць
На стадыі завяршэння знаходзіцца будаўніцтва мусульманскай мячэці ў Іўі, мястэчку на паўночным захадзе Беларусі.
На думку мясцовых рэлігійных дзеячаў, новая мячэць "можа стаць адной з самых велічных на постсавецкай прасторы".
Будынак узводзяць практычна на тым месцы, дзе раней знаходзілася старажытная і адзіная мураваная мячэць Беларусі, якая была знішчана ў за савецкім часам, перадае СТВ.
Сёння на тэрыторыі Беларусі налічваецца 11 мячэцяў разам з малітоўнымі дамамі. Раней у Беларусі было больш за 30 мячэцяў, пасля вайны засталася адна — у Іўі.
