У аўторак рэзкае пацяпленне — будзе галалёдзіца
Калі ўвечары панядзелка сіноптыкі абяцаюць мароз 12 градусаў, то ўжо 25 снежня зранку будзе цёпла — да +2.
Як паведамілі auto.onliner.by у гідраметцэнтры, на Каляды чакаецца тэмпература паветра ад -3 да +5. Такія перапады тэмператур будуць спрыяць утварэнню моцнай галалёдзіцы — асабліва ўлічваючы ападкі (снег, які пераходзіць у дождж). Кіроўцы, якія на святы збіраюцца ехаць у іншыя гарады, павінны быць асабліва асцярожнымі на дарогах. Дзеля бяспекі рэкамендуецца нават адкласці паездку.
