Тэмп росту валавога ўнутранага прадукту працягвае запавольвацца
За студзень-лістапад 2012 года ВУП узрос на 2% у параўнанні з аналагічным леташнім перыядам і склаў 452,5 трлн. рублёў.
Згодна з афіцыйным прагнозам, у 2012 годзе ВУП павінен узрасці ў параўнанні з 2011-м годам на 5-5,5%.
Разам з тым з лета гэтага года назіраецца запавольванне тэмпаў росту валавога ўнутранага прадукту. У Мінэканомікі гэта звязваюць у тым ліку са скарачэннем аб'ёмаў аптовага гандлю каліем і нафтапрадуктамі, інфармуе БелаПАН.
Нагадаем, 20 лістапада Аляксандр Лукашэнка жорстка запатрабаваў ад урада выканаць паказчык 2012 года па ВУП.
