Сяргей Рыжоў назбіраў чатыры тысячы рублёў міласціны
Такім чынам былы прэтэндэнт на кандыдаты ў прэзідэнты Беларусі пратэставаў супраць палітычных рэпрэсій.
Першапачаткова былы віцебскі прадпрымальнік планаваў збіраць міласціну ля Свята-Успенскага сабора Віцебска. Аднак адтуль яго прагналі невядомыя людзі, якія прадставіліся былымі крымінальнікамі. Не быў у захапленні ад ідэі Рыжова і мясцовы святар. Яму не спадабаўся надпіс на скрынцы Рыжова, які заклікаў ахвяраваць на дапамогу ахвярам палітычных рэпрэсій. Грошы прыйшлося збіраць у ваколіцах царквы.
Спадар Рыжоў лічыць акцыю ўдалай, нават нягледзячы на невялікую колькасць сабраных грошай.