Сёння ў Варшаве пакажуць “Беларускую мару”
Паказ адбудзецца ў 18 гадзін у кінатэатры “Муранаў” (Muranów, ul Gen. Andersa 5).
Гэта стужка пра падзеі Плошчы-2011 і найноўшую гісторыю Беларусі. Яе аўтар - беларуская журналістка Кацярына Кібальчыч, якая працуе на расійскім Першым канале.
У фільме распавядаецца гісторыя жыцця маладога чалавека з Мінска, які апошнія 18 гадоў жыве ў краіне “апошняга дыктатара Еўропы”. У аснову стужкі ляглі падзеі 2010–2011 гадоў у Беларусі.
Фільм будзе паказаны з польскімі і англійскімі субтытрамі ў межах Міжнароднага фестывалю па правах чалавека WatchDocs. Пасля фільма адбудзецца дыскусія. Уваход на фільм вольны.
