Сейм Польшчы разгледзіць рэзалюцыю па Беларусі
Яе ініцыявала парламенцкая фракцыя "Салідарная Польшча".
У рэзалюцыі прапануецца выступіць з рэзкім асуджэннем цяперашняй сітуацыі ў Беларусі, перадае "Тэлеграф". Па словах дэпутата Сейма Аркадыюша Мулярчыка, рэзалюцыя асуджае рэжым Лукашэнкі. У ёй таксама ёсць заклік да ўрадаў быць салідарнымі з беларусамі.
Лідар фракцыі "Салідарная Польшча" Мулярчык лічыць, што Варшава павінна праводзіць вельмі рашучую лінію ў адносінах з афіцыйным Мінскам.
