Прагулачны кацер забрудзіў адкідамі Камсамольскае возера ў Мінску
Экіпаж кацера незаконна выліў у вадаём 600 літраў адкідаў.
Цяпер прымесі алеяў і дызельнага паліва разлітыя на дзясяткі квадратных метраў на прыбярэжнай тэрыторыі Камсамольскага возера.
Як адзначае tvr.by, пакуль што адкіды схаваныя пад снегам. Калі тэрыторыю не ачысцяць, пры першым жа пацяпленні вадкасць трапіць у воды возера і выкліча гібель рыбы. Эксперты цяпер ацэньваюць шкоду, нанесеную прыродзе.
Фота Камсамольскага возера — Андрэй Дзмітрыеў
