На мяжы з Літвой зноў затрымалі каўказскіх нелегалаў
Па звестках Памежнага камітэту, за апошнія дні зафіксавана тры такіх інцыдэнты.
29 ліпеня на тэрыторыі Літвы злавілі групу чачэнцаў з расійскім грамадзянствам. Іх высачылі беларускія памежнікі са Смаргонскага атраду, якія ўбачылі сцежку слядоў, якая вяла ў літоўскі бок. Па іх інфармацыі памежнікі з суседняй краіны здолелі затрымаць нелегалаў, апавядае БелаПАН.
31 ліпеня на ўчастку Полацкага атраду затрымалі двух грузінаў, якія спрабавалі трапіць у Еўрасаюз. У той жа ж дзень на Смаргонскім участкі злавілі яшчэ двух іх землякоў.
