На Брэстчыне прыступілі да прыватызацыі
Брэсцкі аблвыканкам выставіў на продаж частку акцыяў шэрагу прамысловых прадпрыемстваў, якія знаходзяцца ў абласной камунальнай уласнасці.
У прыватнасці, плануецца рэалізаваць 12-14% акцыяў Брэсцкага электрамеханічнага завода. Па словах дырэктара завода Сяргея Разумца, пакуль канкрэтных прапановаў няма. Большую цікавасць мог бы выклікаць продаж кантрольнага пакета, і такая магчымасць распрацоўваецца ў Мінпраме.
Завод выпускае ў асноўным сельскагаспадарчую пасяўную тэхніку, якая рэалізуецца на ўнутраным рынку і ў краінах СНД, піша "Вечерний Брест".
