Міхаіл Стэфановіч заменіць траўмаванага Сяргея Касціцына ў зборнай
Форвард хакейнай каманды краіны Сяргей Касціцын не зможа дапамагчы зборнай на турніры "Arosa Challenge".
Пра гэта стала вядома ў аўторак пасля абследавання пляча хакеіста. Лекары дыягнаставалі пашкоджанне звязак і рэкамендавалі тыднёвы спакой.
Таму на турніры яго заменіць Міхаіл Стэфановіч, піша "Прессбол". Нагадаем, што ў сераду да працы ў кэмпе зборнай таксама далучыцца нападнік "Таронта" і маскоўскага ЦСКА Міхаіл Грабоўскі.
Спаборніцтвы пройдуць 14-15 снежня ў Швейцарыі.
Фота — pressball.by
