Лукашэнка і Пуцін могуць сустрэцца да Новага года
Пра гэта паведаміў прэм'ер-міністр Беларусі Міхаіл Мясніковіч. У сераду ён браў удзел у пасяджэнні саюзнага Савета міністраў, якое прайшло ў Маскве.
"Плануецца, што ў бягучым годзе будзе калі не пасяджэнне Вышэйшага дзяржсавета, дык сустрэча прэзідэнтаў", — цытуе словы Мясніковіча РІА "Новости".
Нагадаем, у лістападзе ў інтэрв'ю агенцтву Reuters Аляксандр Лукашэнка распавёў аб праблемах са здароўем Уладзіміра Пуціна. Па словах Лукашэнкі, Пуцін атрымаў траўму пазваночніка падчас сваіх заняткаў барацьбой.
Фота — AFP