Кошты на бензін зноў пойдуць угару?
Канцэрн “Белнафтахім” прапанаваў падвысіць кошты на нафтапрадукты ад 1 ліпеня ў сярэднім на 3%.
Гэта матывуюць складаным фінансавым становішчам беларускіх НПЗ, якія па выніках першага паўгоддзя не змогуць выйсці на рэнтабельную працу, паведамілі агенцтву ПРАЙМ-ТАСС у профільным ведамстве.
Аднак суразмоўца агенцтва сумняецца, што такое рашэнне сапраўды прымуць. Па-першае, зусім нядаўна Аляксандр Лукашэнка сам распарадзіўся знізіць кошты на паліва. Кіраўнік Беларусі тады паабяцаў, што бензін не будзе рэзка даражэць. Па-другое, падвышэнне коштаў у сярэднім на 100 рублёў не паправіць становішча беларускіх НПЗ.
Пры гэтым крыніца не выключае, што рашэнне падвысіць кошты будзе прынятае крыху пазней. І тады цэны падрастуць не на 3%, а болей.
Фота: ru.tsn.ua
