Кіраўнікоў Партыі БНФ могуць абмежаваць адным тэрмінам
Адпаведныя змены ў статут партыі плануецца абмеркаваць на з’ездзе 10-11 верасня.
Апроч таго, плануецца павялічыць тэрмін старшынёўства ў БНФ з двух да трох год, паведамляе БелаПАН.
На вераснёўскі з’езд вылучана 150 дэлегатаў. На думку сакратара ўправы партыі Ўладзіміра Лабковіча, гэта невялікая колькасць, бо з’езд з’яўляецца іміджавай падзеяй. Ён таксама спадзяецца, што ўлады дадуць неабходнае для правядзення гэтага форума памяшканне.
