Гродзенская вобласць найбольш пацярпела ад урагану
У выніку моцнага ветру, выкліканага праходжаннем цыклона "Нікалас", абясточана 532 населеных пункта ва ўсіх абласцях Беларусі.
Як паведаміў БелаПАН прэс-сакратар МНС Віталь Навіцкі, у найбольшай ступені пацярпелі Гродзенская вобласць, дзе энергазабеспячэнне было парушана у 191 населеным пункце, Віцебская (92) і Магілёўская (87). У 202 населеных пунктах падача электраэнергіі адноўленая, аднаўленчыя работы працягваюцца.
