Для гомельскіх кіроўцаў ДАІ зладзіла “Шокатэрапію” (фота)
Акцыю пад такой назвай сёння правяла гомельская Дзяржаўтаінспекцыя на плошчы ў цэнтры горада.
У межах “Шокатэрапіі” супрацоўнікі ДАІ цягам дзвюх гадзін прадэманстравалі аўтамабілі, разбітыя падчас дарожна-транспартных здарэнняў. Іх выставілі на плошчы Паўстання на ўсеагульны агляд. У дадатак да “экспанатаў” была арганізавана невялічкая фотавыстава з месцаў аварый.
Таксама падчас мерапрыемства інспектары праводзілі з мінакамі размовы на тэму бяспекі дарожнага руху і раздавалі тэматычныя буклеты.
