“Белсат” пашырыў вяшчанне яшчэ на адзін спадарожнік
З 1 жніўня тэлеканал аднавіў трансляцыю на другім спадарожніку «Астра 1KR».
Цяпер сігнал «Белсата» даступны гледачам, чые «талеркі» скіраваныя на два спадарожнікі: «Астра 4А» (раней «Сірыюс») і «Астра 1 KR». Гэта павялічвае не толькі геаграфію дасяжнасці тэлеканала, але і памер рэальнай і патэнцыяльнай аўдыторыі ў Беларусі і за яе межамі, паведамляе БелаПАН.
«Белсат» са снежня 2007 года да 6 снежня 2010 года трансляваў свой сігнал праз спадарожнік «Астра 1KR».