Беларускія тэнісісты займаюць 46-е месца ў рэйтынгу Кубка Дэвіса
Нашая зборная ў новым рэйтынгу ўзнялася на тры пазіцыі.
Гэта адбылося пасля перамогі нашых тэнісістаў над камандай Босніі і Герцагавіны 4:1. Сапернікі беларусаў па трэцім раўндзе палякі займаюць у новым рэйтынгу 33-і радок, адзначае БелаПАН. Нагадаем, пераможца пары Польшча — Беларусь атрымае пуцёўку ў I групу Еўра-Афрыканскай зоны. Гэты матч пройдзе 14—16 верасня 2012 года ў Польшчы.
Узначальваюць рэйтынг Кубка Дэвіса іспанцы, другімі ідуць аргентынцы, трэцімі — сербы.
Фота — ByMedia.net
