Арыштаваны лідар маўклівых акцый пратэсту ў Гомелі
Чыгуначны раённы суд Гомеля на 5 сутак асудзіў актывіста руху “Рэвалюцыя праз сацыяльную сетку” Змітра Шаўчэнку.
Жонка Змітра паведаміла Радыё Свабода, што мужа затрымалі па абедзе ля прыпынку грамадскага транспарту. Зміцер паспеў сказаць па тэлефоне, што яго арыштавалі на 5 сутак.
У Чыгуначным раённым аддзеле міліцыі Гомеля пацвердзілі, што суд сапраўды вынес такі прыгавор. Актывіста пакаралі за парушэнне парадку арганізацыі або правядзення масавага мерапрыемства. Арышт Змітра Шаўчэнкі, магчыма, звязаны з прызначанай на навагоднюю ноч акцыяй руху “Рэвалюцыя праз сацыяльную сетку”.
