Арыштаваны беларус, які справакаваў у Польшчы вялікую аўтааварыю
37-гадовы беларус арыштаваны на 3 месяцы. У гэты час будзе адбывацца следства па справе.
Як паведамляе “Польскае прэсавае агенцтва”, трагічнае здарэнне адбылося 24 лістапада ў 50 кіламетрах ад Беластоку. Падчас здарэння сутыкнуліся 6 аўтамабіляў, 4 з якіх былі грузавымі. У выніку аварыі 3 чалавекі загінулі і 5 атрымалі раненні.
Папярэдне вінаватым у гэтай аварыі лічыцца беларус. Ён з невядомых прычынаў выехаў на сустрэчную паласу руху, што ў выніку і справакавала сутыкненні аўтамабіляў. З-за аварыі дарога была заблакаваная больш як на 7 гадзінаў. З-за гэтага ўтварыліся шматкіламетровыя чэргі аўтамабіляў.
Беларус у выніку аварыі атрымаў толькі пералом рукі.
