Алеся Бяляцкага зноў вылучылі на Нобелеўскую прэмію
Кандадатуру беларускага праваабаронцы ў камітэт прэміі падаў нарвежскі парламентарый Ян Санер.
Разам з Алесем Бяляцкім ён вылучыў кіраўніцу Маскоўскай Хельсінкскай групы Людмілу Аляксееву.
“Яны абодва кінулі выклік аўтарытарным дзяржаўным структурам і незаконным злоўжыванням уладай”, — цытуе Яна Санера БелаПАН.
Абодва кандыдаты намінаваліся на Нобелеўскую прэмію міра ў 2012 годзе, аднак яе прысудзілі Еўрасаюзу, што выклікала шырокую крытыку ва ўсім свеце.