Ад шоп-тураў — да бізнес-тура
Прадстаўнікі беларускіх прадпрыемстваў 25-29 красавіка возьмуць удзел у бізнес-туры "Гомель-Ліпецк-Варонеж-Гомель".
Пра гэта паведамілі БЕЛТА ў Гомельскім аддзяленні БелГПП, што з'яўляецца арганізатарам мерапрыемства.
Пра свой удзел ужо заявілі прадстаўнікі малакаперапрацоўчых і прамысловых прадпрыемстваў Гомельскай вобласці. Праграма бізнес-тура прадугледжвае правядзенне дзелавых перамоваў паміж беларускімі і расійскімі прадпрымальнікамі на базе Ліпецкай і Варонежскай гандлёва-прамысловых палат.