25 ліпеня Партыя БНФ правядзе імпрэзу, прысвечаную высяленню
Пра гэта ў жывым эфіры Еўрарадыё паведаміў намеснік старшыні партыі Рыгор Кастусёў.
Ён сказаў, што партыя на гэтай імпрэзе рыхтуе “сюрпрызы з прыцэлам на 26-га”, калі і павінна адбыцца прымусовае высяленне.
Што да новага офіса партыі, дык спадар Кастусёў пакуль не выдаў яго месцазнаходжанне. З яго словаў, гэта будзе памяшканне ў цэнтры Мінска і яно па сваіх функцыянальных магчымасцях не саступае легендарнай сядзібе на Машэрава,8.
“Але мы верым, што з цягам часу ўсё адно вернемся ў гэты офіс”, — упэўнены Рыгор Кастусёў.
