Пуцін спадзяецца на працяг сумеснай працы з Беларуссю па інтэграцыі
Прэзідэнт Расіі Уладзімір Пуцін павіншаваў з Новым годам кіраўніка Беларусі Аляксандра Лукашэнку. У святочным пасланні, якое распаўсюдзіла прэс-служба Крамля, гаворыцца пра тое, што 2016 год “пацвердзіў вечную каштоўнасць расійска-беларускай дружбы і прадэманстраваў паспяховае вырашэнне актуальных пытанняў двухбаковага парадку дня і будаўніцтва Саюзнай дзяржавы, нягледзячы на складаную міжнароднае становішча”.
Пуцін выказаў надзею на працяг сумеснай працы "па нарошчванні ўсяго комплексу расійска-беларускіх партнёрскіх сувязяў, па прасоўванні ўзаемавыгадных інтэграцыйных працэсаў і забеспячэнні стабільнасці і бяспекі на еўразійскай прасторы".
Сёлета беларуска-расійскія адносіны былі напружанымі: да гэтага часу не ўрэгуляваная спрэчка вакол коштаў на газ, Рассельгаснагляд рэгулярна выстаўляе прэтэнзіі да якасці беларускіх прадуктаў харчавання. У канцы снежня Лукашэнка не прыбыў у Санкт-Пецярбург на падпісанне Мытнага кодэкса ЕАЭС.