Пілоты пераблыталі колеры сцяга Францыі на Дні ўзяцця Бастыліі
На святкаваннях з нагоды Дня ўзяцця Бастыліі ў Парыжы пілоты пераблыталі колеры нацыянальнага сцяга Францыі. У выніку ўдзельнікі авіяшоў выпусцілі ў неба чырвона-сіне-бела-чырвоны сцяг, паведамляюць замежныя СМІ.
Паводле задумкі арганізатараў свята, дзевяць самалётаў мусілі праляцець над горадам і выпусціць рознакаляровы дым, з якога складзецца выява французскага сцяга. Але на месцы самалёта, які мусіў выпускаць сіні дым, апынуўся той, што быў з чырвоным.
Дзень узяцця Бастыліі — нацыянальная французскае свята, якое адзначаюць штогод 14 ліпеня пачынаючы ад 1880 года. Гістарычная падзея, якой прысвячаюцца ўрачыстасці, адбылася 14 ліпеня 1789 года, калі была ўзятая Бастылія, месца ўтрымання палітычных вязняў.
