Паводка падтапіла дамы, масты і дарогі ў 33 раёнах Беларусі

Паводка і падтапленні фіксуюцца на тэрыторыі 33 раёнаў ва ўсіх шасці абласцей Беларусі, паведамляе прэс-служба МНС.

Цяпер падтопленымі застаюцца 170 прыватных жылых дамоў, 34 падвалы, 753 прыватныя падворкі, 259 гаспадарчых пабудоў, 55 участкаў аўтамабільных дарог, 172 іншыя будынкі (дачныя і нежылыя дамы) і сем мастоў.

Работнікі МНС, як паведамляецца, штодня манітораць змены ў абстаноўцы, абследуюць дамы ў зонах падтапленняў і вызначаюць прычыны з'яўлення вады, дзе пражываюць людзі.