Новыя санкцыі ЕС могуць закрануць бізнес, прадпрыемствы і авіяцыю Беларусі
Новыя санкцыі Еўрасаюза могуць закрануць бізнес, прадпрыемствы і авіяцыйны сектар Беларусі. Яны закрануць і фізічных асоб, і арганізацыі. Пра гэта 24 траўня заявіла кіраўніца Еўракамісіі Урсула фон дэр Ляен. У Бруселі ў панядзелак пачынаецца саміт кіраўнікоў краін ЕС і першым пытаннем разглядаецца сітуацыя з прымусовай пасадкай пасажырскага самалёта Ryanair у Мінску.
Акрамя таго, ЕС вырашыў замарозіць інвестыцыйную дапамогу для Беларусі ў памеры 3 млрд еўра да таго часу, пакуль наша краіна "не стане дэмакратычнай".
"Будзе вельмі моцная рэакцыя ад ЕС, — заявіла Урсула фон дэр Ляен. — Рэжым Лукашэнкі павінен зразумець, што будуць страшныя наступствы".
