Надвор'е ў Беларусі: у панядзелак будзе да +15

Воблачнае з праясненнямі надвор'е чакаецца ў Беларусі ў панядзелак, 24 кастрычніка. Пра гэта паведамляюць сіноптыкі.

Уначы месцамі, а днём пераважна па заходняй палове чакаюцца невялікія дажджы. У начныя і ранішнія гадзіны ў асобных раёнах магчымы туман. Вецер прагназуецца паўночна-заходні, днём — з пераходам на паўднёвы слабы да ўмеранага.

Тэмпература паветра ў начны час складзе ад +2 да +8 градусаў, у дзённыя гадзіны — ад +6 да +15.